Ta'lim dasturini ishlab chiqish va o'quv-uslubiy ta'minoti bo'limi yetakchi mutaxassisi

Milliy statistika qo'mitasi Kadrlar malakasini oshirish va statistik tadqiqotlar instituti jamoasi mas'uliyatli, tashabbuskor va zamonaviy ta'lim metodologiyalarida yetarlicha ko'nikmalarga ega nomzodni Ta'lim dasturini ishlab chiqish va o'quv-uslubiy ta'minoti bo'limi yetakchi mutaxassisi lavozimiga taklif etadi.

Lavozim majburiyatlari:

• o'quv dasturlari, rejalari va o'quv-uslubiy majmualarni ishlab chiqish;
• ta'lim standartlari va o'quv rejalarini takomillashtirish;
• zamonaviy pedagogik texnologiyalarni o'quv jarayoniga joriy etish;
• o'quv-uslubiy hujjatlarni tayyorlash va ekspertizadan o'tkazish;
• ta'lim jarayonini tahlil qilish va takomillashtirish bo'yicha takliflar ishlab chiqish;
• tarkibiy bo'linmalar bilan hamkorlikda metodik ishlarni tashkil etish;
• KPI ko'rsatkichlarining bajarilishini ta'minlash;
• xizmat vazifalarini amaldagi qonunchilik va ichki me'yoriy hujjatlar asosida bajarish.

Malakaviy talablar:

• pedagogika, metodika, ta'limni boshqarish yoki tegishli yo'nalish bo'yicha oliy ma'lumot;
• magistr darajasiga ega bo'lish afzallik hisoblanadi;
• ta'lim sohasida kamida 2–3 yillik ish tajribasi;
• o'quv dasturlari va metodik materiallar bilan ishlash tajribasi;
• davlat ta'lim standartlari va zamonaviy pedagogik texnologiyalarni bilish;
• Microsoft Office dasturlarida erkin ishlash;
• davlat, rus va ingliz tillarini yaxshi bilish;
• tahliliy fikrlash, hujjatlar bilan ishlash va jamoada ishlash ko'nikmalari.

Afzalliklar:

• Mehnat qonunchiligiga muvofiq rasmiy ishga qabul qilish;
• ta'lim tizimini rivojlantirishga bevosita hissa qo'shish imkoniyati;
• zamonaviy o'quv loyihalarida ishtirok etish;
• professional rivojlanish va malaka oshirish;
• barqaror va o'z vaqtida to'lanadigan ish haqi;
• 5/2 ish jadvali;
• qonunchilikka muvofiq ijtimoiy kafolatlar va professional jamoada ishlash imkoniyati.